حركة الرقابة الشعبية الأولى
  • أخر الأخبار
  • الأكثر قراءة
  • الأكثر تعليق


عندك كذا طريقة للمراقبة

ممكن تراقب من مكانك

·      لو عديت قدام  لجنة ولاقيت أتوبيس بينزل ناس إدينا رقم الأتوبيس لأن ده يعتبر تصويت جماعى .

·      لو بيتك جنب لجنة إنتخابية معناه إنك ممكن تكشف كل شئ من فوق بما فيه  الصناديق اللي بتتهرب من

    فوق السور مثلاً, أو لو فيه ضرب للناخبين. صور الكلام ده وابعته لنا.

·      لو ماشي جنب لجنة إنتخابية, ولاقيت ناس بتوزع فلوس

·      عملية الإنتخابات عملية فردية, يعني أي تحرك في مجموعات كبيرة غالباً معناه  تزوير قريب.

·      ابلاغ عن أى شغب بيحصل داخل أو حول الحرم الإنتخابي.

·      ابلاغ عن أى توزيع لهدايا أو رشاوى على الناخبين .

 

ممكن تراقب وإنت في الطابور

·      لو واقف في الطابور ومنعك حد من الدخول بلغنا.

·      لو مفيش نظام ولا طابور أصلاً يبقى احتمال التزوير في الفوضى أقوي بكتير

·      لو فيه ضرب للناخبين بلغنا

·      لو فيه فلوس  أو هدايا بتتوزع أو وعود مقابل التصويت لمرشح معين بلغنا.

·      الدعاية داخل المدرسة ولجان التصويت ممنوع.

·      لو اللجنة ما فتحتش في الميعاد المحدد بلغنا على طول.

 

 

ممكن تراقب وإنت في اللجنة

·    

·      لو مفيش ستارة بلغنا على طول

·      لو الحبر الفوسفوري بيطلع بسهولة بالماء أو الأسيتون بلغنا فوراً

·      لو فيه حد بيقول حتنتخب فين أو مين بلغنا فوراً

·      لو مفيش مراقبين في اللجنة بلغنا فوراً, لازم يكون فيه إتنين بيراقبوا طول الوقت.